Please reload

Recent Posts

教育就是生活,生活就是教育

June 30, 2018

1/3
Please reload

Featured Posts

蒙特梭利教師:Error寫給父母的一封信

 

各位父母:

 

大家好!我個名叫做Error,中文名叫做「錯誤」。我好想喺度同大家分享我一啲心事……

 

唔知你哋仲記唔記得,你哋細細個嘅時候全部都好歡迎我架。就算好多時啲大人想幫你哋擋開我,完全唔俾我埋身,你地都會一次又一次再努力嘗試,成日返到來我身邊。我哋曾經係好好嘅朋友嚟架!

例如你哋細個學行嘅時候,就成日會遇到我。你哋會跌低、會痛,咁並唔係因為我心地唔好,其實我想你自己發現,跌原來係會痛,令到你哋會努力不懈再嘗試,搵個避免再跌痛嘅方法,所以全靠我,你哋先可以學識行得穩咋。

 

不過而家啲人,成日都阻止我嘅出現。有啲大人每次見到小朋友一跌就會拉返住佢,甚至搵條繩拉實BB,等佢完全唔好跌。小朋友因為從未跌過一跤、唔知痛,去到樓梯都經常橫衝直撞亂咁嚟,我見到覺得又危險又擔心。如果,個小朋友一早認識咗我,佢就會學懂安全意識。

 

Error說:愈唔想見到我,就愈容易見到我。

 

我都明白,啲人係怕小朋友受傷。但其實我做過統計,你哋細個時,係唔會犯同 一個錯誤多過3次。例如小朋友成日鐘意爬入枱底,有好多大人會拉開張枱,一係用手幫佢擋住。但原來,小朋友第一次無為意頭頂有嘢;第二次可能仲未記得,但到第三次就會壓低個身先行動,好醒架!小朋友經常有好多千變萬化的方法去接招,去解開我俾佢哋嘅難題!

但當你哋慢慢長大後,唔知點解都一樣變得愈來愈疏遠我,甚至好驚我。我真係好傷心!有人見到我會掉頭走當睇我唔到;都有人千方百計咁避開我;亦有人一遇到我會變得心情低落。

 

點解會咁呢?會唔會係因為每當我出現,身邊的人都會不斷指責你,話你差呢? 你每次見到我,都會覺得自己好無用?其實,愈唔想見到我,就愈容易見到我……

 

我好想提醒啲大人,如果小朋友犯錯,千祈唔好指責佢,亦都唔需要幫佢承擔後果。小朋友只需要你哋嘅接納、支持同陪伴,然後佢就會更有力量面對我、糾正我,同埋繼續嘗試下去!

我懇請大家記得,我嘅出現唔係為咗話你知,你有幾唔好。我嘅初心正正相反,亦從來無變——我一直都係想你哋藉著遇見我,好好擁抱我,好好聆聽我嘅提醒,思考下次點樣可以做得好啲,咁先唔會再喺同一個地方遇到我。最後,你會變得更好,成長得更多。

 

Error敬上

 

POPA Channel 原文按此

Share on Facebook
Share on Twitter
Please reload

Follow Us
Please reload

Search By Tags