少說「都係為你好」，做孩子最佳的聆聽者　圖．文：Barbara Tsui（蒙特梭利教師） 一次籃球比賽過後，我同哥哥來個賽後檢討。以前我也打過學界比賽，所以希望分享我的過來人經驗，能提點他以後可以怎樣做得更好。 我：「頭先你可以走多啲空位，人地先傳到波俾你嘛！」 哥哥：「我有呀，我有一路走一路叫架！係佢地睇唔到我咋。」 我：「頭先你有幾次攞到波後其實有好多機會射，唔一定要咁快傳俾隊友。」 哥哥：「好多時我都被人攔住咗呀……」 ▌親子之間的厚牆 我每講一句，哥哥便會即時講多幾句，駁回我的建議。愈講我愈忟，打籃球比賽的表現事少，做人的態度不好事大，心想： 「點解你唔可以虛心聽下意見？我都係為你好！」 「做咩搬咁多藉口俾我聽？而唔係去反省點樣可以改進？」 我們的「討論」開始白熱化，好多次他中斷我的說話，來為自己辯護；我也再按捺不住怒火，未等他說完便打岔回應，兩人「疊聲」爭著發言，愈說愈激動。 我不喜歡這樣，明明一心是為他好才給的建議，卻感到有一道厚厚的牆擋在我們中間，甚至很可能會變成鬧交收場。我開始停下來深呼吸，讓自己冷靜一下，然後不再作聲，希